समाज पोष्ट
काठमाडौं । नेपाल रेडक्रस सोसाइटी कागेश्वरी मनोहराको २१ औं बार्षिक उप –शाखासभा सम्पन्न भएको छ । शनिबार कागेश्वरी मनोहरा वडा नं ३ स्थित मनास्लु वल्र्ड बोर्डिङ स्कुलमा बार्षिक उप –शाखासभा कार्यक्रम गरिएको हो । सभामा ‘कागेश्वरी मनोहरा रेडक्रस स्मारिका २०८१’ विमोचन गरिएको छ ।
वासुदेव पौडेल नेतृत्वको उपशाखा समितिको कार्यकाल (२०७९–०८१) रहे पनि ६ महिना थपिएको छ । पौडेलले केन्द्रले ६ महिनाको कार्यकाल थपेको बताए ।
कागेश्वरी मनोहरा नगरपालिका प्रमुख उपेन्द्र कार्कीले विपद्का बेलामा रेडक्रसको खोजी हुने भन्दै उनले अरु बेलामा पनि सहकार्य गरी अघि बढ्ने बताए ।उनले रेडक्रस उपशाखालाई अनुदान स्वरुप ५ लाख रुपैँया दिने घोषणा गरे ।“यसपालिको बजेटबाट पाँच लाख अनुदानस्वरुप रेडक्रसको खातामा पठाउँछौं ,” उनले भने, “ यही वर्षबाट के–के गर्नुपर्छ मुख्य योजना बनाएर काम गर्नुस् ।”
कार्कीले पालिकाले वडा नम्बर ६ मा रेडक्रसको नमुना विपद् पार्क बनाउने र भवन बनाउने निर्णय गरेको जानकारी दिए । कार्यक्रममा कागेश्वरीका वडा अध्यक्षहरु, रेडक्रसका आजीबन सदस्य ,सदस्य , साधारण सदस्य, स्वयम् सेवक , सहयोगी संघ संस्थाका प्रतिनिधि,रक्तदाता, सामाजसेवी लगायतको उपस्थिति थियो । कार्यक्रमका सञ्चालक रेडक्रसको काठमाडौं जिल्ला सदस्य तथा उपसशाखाका पदेन सदस्य लक्ष्मीप्रसाद कुँइकेलले यस वर्षबाट स्मारिका प्रकाशन गर्न थालिएको बताए ।
