काठमाडौं । मनास्लु वर्ल्ड स्कुलले स्थापनाको छैटाैँ वर्ष मनाएको छ । शनिबार कागेश्वरी मनोहरा नगरपालिका भद्रवासस्थित विद्यालय प्राङ्गणमा विशेष कार्यक्रमबीच वार्षिक उत्सव मनाएको हो ।
साेही अवसरमा विद्यालयले तीन जना विशिष्ट शिक्षासेवीसहित नेपाल साइकल यात्रीलाई सम्मान गरेकाे छ ।
शिक्षा क्षेत्रमा ४० वर्ष योगदान गरेका कृष्णप्रसाद पुडासैनी, ३५ वर्ष सरकारी सेवामा बिताएका दामोदरप्रसाद पौडेललाई सम्मान गरिएको हो । सिद्धिगणेश माद्यमिक विद्यालयका पूर्वव्यवस्थापन समिति अध्यक्ष मणिराम अर्याल र साइकलमार्फत ७७ जिल्ला भ्रमण गरेका नेपाल साइकलयात्री माधव कुँइकेल सम्मानित भए ।
सम्मानित भए । कार्यक्रमका प्रमुख अतिथि कागेश्वरी मनोहरा नगरपालिकाका प्रमुख उपेन्द्र कार्कीले उनीहरुलाई सम्मानपत्र हस्तान्तरण गरेका हुन् ।
कार्यक्रममा चर्चित गायक निशान भट्टराई, लोकगायक सूर्यमणि आचार्यले सांस्कृतिक प्रस्तुति दिएका थिए । विद्यालयकै शिक्षक, विद्यार्थीहरुले पनि प्रस्तुति दिए । कार्यक्रमका प्रमुख अतिथि कार्कीले मनास्लुले शिक्षा क्षेत्रमा पुर्याएको योगदानको प्रसंशा गरे । मनास्लुले ०८२ बाट कक्षा ५ सम्म पढाउने तयारी पनि गरेको छ । उनले अझै प्रगतिको कामना पनि व्यक्त गरे ।
वर्षभरि भएका गतिविधिको मूल्यांकन गर्दै शिक्षक र विद्याथीलाई पनि पुरस्कृत गरियो । कार्यक्रममा अभिभावक, विद्यार्थी, विभिन्न विद्यालयका शिक्षक, समाजसेवी लगायतको उपस्थिति रहेको थियो । कार्यक्रमकाे सञ्चालन विद्यालयका प्रधानाध्यापक दीपा गाैतमले गरेकी थिइन् । विद्यालयका अध्यक्ष लिलानाथ निराैला कार्यक्रमका सभापति थिए ।
