काठमाडाै । हिन्दी फिल्म ‘करण अर्जुन’ फेरि रिलिज हुने भएको छ। राकेश रोशन निर्देशित फिल्म २९ वर्षपछि हलमा रिलिज हुन लागेको हो। यो फिल्म २२ नोभम्बरदेखि रिलिज हुने जनाइएकाे छ ।
अभिनेता सलमान खानले सामाजिक सञ्जालमा लेखेका छन्, ‘राखी जीले सही भन्नु भएको थियो कि करण अर्जुन आयेगे… नोभेम्बर २२ मा दुनियाँभरको सिनेमा घरमा । ‘
फिल्म विश्वभर एकसाथ रिलिज हुँदैछ। पहिलो पटक १३ जनावरी १९९५ मा सिनेमा घरमा रिलिज भएको थियो। ६ करोडमा बनेको फिल्मले ४३ करोड भारू कमाएको थियो। त्यतिबेला ‘करण अर्जुन’ ले फिल्म फेयर अवार्डसमा १० नोमिनेशन पाएको थियो। फिल्मले उत्कृष्ट सम्पादन र उत्कृष्ट एक्सन गरेर दुई वटा अवार्ड समेत पाएको थियो।
