समाज पोष्ट
काठमाडौं । साफ महिला च्याम्पियनसिप–२०२४ को उपाधि बंगलादेशले जितेको छ । फाइनलमा नेपाललाई २–१ ले पराजित गर्दै बंगलादेशले लगातार दोस्रोपटक साफको उपाधि जितेको हो ।
बुधबार त्रिपुरेश्वरस्थित दशरथ रंगशालामा भएकाे खेलमा मोनिका चक्मा र ऋतु पोर्ना चक्माकाे गाेलमा बंगलादेशले उपाधि जितेकाे हाे । नेपालकी अमिशा कार्कीले गोल फर्काए पनि नेपालले जित्न सकेन् ।
खेलको ५२औँ मिनेटमा मोनिका चक्माले गोल गर्दै बंगलादेशलाई अग्रतामा राखेकी थिइन् ।
तर, नेपालले चार मिनेटमै गोल फर्कायो । नेपालकी अमिशा कार्कीले गोल गर्दै नेपाललाई बराबरीमा फर्काएकी थिइन् ।
८१औँ मिनेटमा ऋतु पोर्ना चक्माले गोल गर्दै बंगलादेशलाई २–१ को अग्रतामा राखिन् । यही गोल निर्णायक बन्याे । यसअघि सन् २०२२ को संस्करणमा नेपाललाई बंगलादेशले ३–१ ले हराएको थियो । नेपाल भने फेरि उपबेजेतामा सिमित भयाे ।
